Tann 14. septembur í 1946 valdu føroyingar loysing á fólkaatkvøðu. Tað staðfestir Norðoya Tjóðveldisfelag og í tí sambandi skipa tey fyri almennum tiltaki í Klaksvík.

Tiltakið verður mánakvøldið, 14 septembur, á sjálvum ársdegnum fyri fólkaatkvøðuna.

Á fundinum fara Hans Andrias Sølvará, professari í søgu, og Magni Laksáfoss, PhD í føroyskum búskapi, at greiða frá, hvussu Føroyar hava flutt seg politiskt og búskaparliga hesi 80 árini.

Eftir hetta verður politiskt orðaskifti ímillum Bein Johannesen, Aksel V. Johannesen, Sámal Petur í Grund, Sirið Stenberg, Steffan Klein Poulsen og Ruth Vang, sum eru forfólkini í teimum seks flokkunum, sum hava sagt seg taka undir við tjóðarsemjuni.

Har fara tey eisini at umrøða, hvør kósin skal vera hesi næstu 80 árini.