Ísland er aftur kosið friðsælasta land í heimi. Hetta er 19. árið á rað, at landið liggur ovast á altjóða listanum hjá Institute for Economics and Peace (IEP).
Samtíðis vísir nýggja frágreiðingin Global Peace Index, at ófriður breiðir seg kring heimin. Sambært frágreiðingini liva fólk í 119 londum undir minni friðsælum umstøðum nú enn í 2008.
Lágur kriminalitetur og eingin herur
Kanningin fevnir um 163 lond og 99,7 prosent av heimsins innbúgvum. Metingin byggir á 23 ymiskar vísarar, sum fevna um samfelagsliga trygd, stríð og hernaðarvald.
Ísland fekk 1,161 stig á einum stigalista frá 1 til 5, har lægri tal merkir størri frið. Sambært frágreiðingini stavar góða úrslitið serliga frá, at Ísland ikki hevur hervald, hevur lágan kriminalitet og sterka samfelagsliga samhaldsfesti.
Russland á botni
Nýsæland, Sveis, Slovenia og Írland fylgja aftan á Ísland á listanum. Russland liggur niðast annað árið á rað.
Størsta framgongdin varð skrásett í Póllandi, sum er farið 23 pláss fram síðan 2025 og nú liggur á 22. plássi. Frágreiðingin er jaligar politisku broytingarnar í Póllandi eftir stjórnarskiftið í 2023.
