Í næstum koma átta lond úr Europa til Føroyar at vera við í kappingini, »Small States of Europe, Badminton Team Championship«.

Londini, sum eru við, eru Gibraltar, Grønland, Ísland, Kýpros, Liktinstein, Luksemborg, Malta, Monako, umframt Føroyar og tilsamans eru 101 badmintonleikarar meldaðir til kappingina.

Tað er Badmintonsamband Føroya sum er vertur fyri liðkappingini, og kappingin verður tann 30. oktober til 1. november í høllini á Hálsi í Havn.

– Í Badmintonsambandinum gleða vit okkum at bjóða bæði leikarum, og øðrum, sum ferðast við teimum, at vera vælkomin til Føroyar siga tey í Badmintonsambandinum.
Badmintonsambandið fegnast eisini um góða samstarvið, vit hava við Badminton Europe, sum leggur okkum lag á at skipa slíkar kappingar -sigur Mariann Øster, forkvinna.

Hesaferð sendir Badminton Europe ein av teirra altjóða dómarum, Ilkka Vainio, úr Finnlandi, at vera dómari í Høllini á Hálsi

Hópurin sum landsliðsvenjarin, Fai Yin Wong, hevur valt til kappingina hesuferð eru hesi: Miriam í Grótinum, Bjarnhild í Buð Justinussen, Oddbjørg í Buð Justinussen, Birna Jacobsen, Ranja Joensen, Sanna Thorkildshøj og Mia Thorkildshøj Magnus Dal-Christiansen, Rúni Øster, Asbjørn H. Olsen, Christian Berg Petersen, Jafet Rasmussen, Árant Á Mýrini, og Jónas Djurhuus