Heilsufrøðiliga Starvsstovan ávarar nú ímóti einum slagi av heilum piparkornum, sum eisini hava verið at fáa í Føroyum. Men tey eru ikki seld allastaðni, tí tey hava bara verið fáa í einum serhandli.

Orøkin til ávaringina er, at tað er ov eiturevni í teimum, eitt nú chlorpyrifos. Hetta eru eiturevni, sum verður sprænt á planturnar fyri at verja fyri ókrúti, kyktum, og øðrum.

Chlorpyrifos kunnu vera heilsuskaðilig tí tey kunnu skaða arvaeginleikarnar hjá fólki og tey kunnu darva menningini hjá fostrum.

Men Heilsufrøðiliga Starvsstovan sigur eisini, at tað, sum hevur týdning, er, at fólk ikki fáa ov nógv av hesum eiturevnum í seg í langa tíð.

Tað er nevniliga ikki ein eistøk málttíð, sum er heilsuskaðilig, men fáa fólk smáar nøgdir av hesum evnum í seg í longri tíð, kann tað verða skaðiligt.

Heilt ítøkiliga er vøran, ávarað verður ímóti, hendan - sí myndina:

Wild Sichuan Pepper
Nettovekt: 57 gramm

Best fyri: 30.04.2027 og 30.06.2027.

Heilsufrøðiliga Starvsstovan sigur, at tey, sum liggja inni av hesum piparinum, eiga at koyra tað í skrell, ella at fara aftur í handilin við tí.