Dagføring 12.51:

Løgreglan boðar nú frá at skal man til dømis úr Leirvík og út á Strendur, so er einasti máti at fara ígjøgnum Eysturoyartunnilin.

Landsvegurin er nevniliga heilt stongdur niður,frá Skipaneskrossinum og heilt inn til Skálafjørð.

Omankoyringin til Syðrugøtu er eisini stongd.

Hetta verður gjørt fyri at forða fyri ferðsluóhappum, tí oljulekin er umfatandi og vegurin sera hálur.

Enn er ógreitt, nær vegurin kann latast upp aftur.

Løgreglan boðar beint nú frá, at tað er sera hált og vandamikið at koyra á einum strekki í Eysturoynni.

Talan er um alt strekkið úr Skálabotni heilt til Leirvíkstunnilin, at vegurin er sera hálur og vandamikil at koyra eftir.

Tey sig, at talan er um olju. Men um tað er úr einum tangabili, ella møguliga er úr leka frá hydraulikki, vita tey ikki enn.