Landbúnaðarskeiðið 2026–2027 byrjar 27. oktober og gevur luttakarum rætt til at festa landsjørð. Hetta er tó ikki galdandi fyri festi við mjólkneytahaldi.

Undirvíst verður á Búnaðarstovuni í Kollafirði og á Miðnámi í Vestmanna týskvøld og hóskvøld frá klokkan 19.00 til 22.30.

Skeiðið er tilsamans 240 tímar og fevnir um átta skeiðspartar. Hvør skeiðspartur endar við próvtøku, og skeiðið varir frá oktober 2026 til juni 2027.

Avmarkað pláss

Skeiðið kostar 3.500 krónur, svarandi til 3.500 DKK. Luttakararnir rinda harumframt sjálvir fyri bøkur og annað frálærutilfar, um tørvur er á tí.

Freistin at melda til er mikudagin 14. oktober. Plássið er avmarkað, og møtiskylda er. Tey, sum tørva skeiðið í sambandi við eina ítøkiliga avtalu um festaraskifti, hava framíhjárætt.