Ein av teimum 11 føroysku spælarunum, sum nú klokkan 17 vera á vøllinum í útidystinum ímóti Norðurmakedonia, hevur ongantíð áður verið á besta landsliðnum. Tað er Bárður á Reynatrøð, sum fer at verja føroyska málið.
Hann er ikki heilt ókendur í landsliðshøpi, tí hann hevur áður vart málið á U-21 landsliðnum. Í fjør og í fyrraárið vardi hann U-21 landsliðsmálið í 8 EM undankappingardystum. Ein av dystunum var ímóti Norðurmakedonia. Tað var á útivølli fyri júst einum ári síðani. 29. mars í 2022 vardi Bárður á Reynatrøð føroyska málið á sama vølli, har Føroyar í dag spæla ímóti Norðurmakedonia. Ùrslitið var 1-0 til Føroyar, og tað var ein av liðfeløgunum hjá Bárði á vøllinum í dag, sum skoraði málið. Stefan Radosavljevic skoraði sigursmálið við brotssparki í 52. minutti.
Bárður á Reynatrøð er 12. málverjin í altjóða skrásettum landsdystum, síðani Føroyar 24. august í 1988 í Íslandi spældu fyrsta altjóða skrásetta dystin.
Her er listin í tí røðini, sum málverjarnir fyrstu ferð hava verið á landsliðnum, og hvussu nógvar landsdystir teir hava spælt. Sum tað sæst, so er Jákup Mikkelsen málverjin, ið oftast hevur vart føroyska málið.
Víkingur er felagið hjá teimum í Eysturkommunu. Tað var stovnað í 2008, og Bárður á Reynatrøð er fyrsti málverjin hjá Víkingi, sum verjir landsliðsmálið
Jens Martin Knudsen 65
Kaj Leo Holm Johannesen 4
Bjarni Johansen 2
Jákup Mikkelsen 73
Sunvard Joensen 1
René Tórgarð 3
Gunnar Nielsen 70
Tórður Thomsen 2
Teitur Matras Gestsson 20
Trygvi Askham 1
Mattias H. Lamhauge 3
Bárður á Reynatrøð
kelda: faroesoccer.com
.png){kind=logo}
