Hetta vikuskiftið er Norðfestivalur á Viðareiði og í tí sambandi hendi eitt ferðsluóhapp í gjárkvøldið. Tað hendi tá ið ein bilur, við tveimum fólkum, fór út av og endaði á takinum.

Løgregla og sjúkrabilur fóru á staðið, men tá ið løgreglan tosaði við bilføraran, fingu tey illgruna um, at hann var ávirkaður.

Tá ið hann blástia alkometrið, gav tað eisini útslag, so blóðroynd varð tikin av honum og hann er skuldsettur fyri at koyra við kenning.

Bæði fólkini í bilinum fóru á sjúkrahús til kanningar, men tey høvdu verið sera heppin, tí tey sluppu frá óhappinum uttan nevnivert av skaða.

Í nátt tók løgrelan eisini ein bilførara í Havn, sum er skuldsettur fyri rúsdrekkakoyring.