Prísvøksturin í Danmark var óbroyttur í juni. Brúkaraprísirnir vóru 1,9 prosent hægri enn sama mánað í fjør. Tað var sama støði sum í mai, skrivar Danmarks Statistik.

Flutningur hevði størstu ávirkanina á prísvøksturin. Serliga vóru tað hægri prísir á brennievni, sum trýstu prísvøksturin upp.

Húsaleigan trýstir kjarnuprísvøksturin upp

Kjarnuprísvøksturin, har orka og óvirkaðar matvørur ikki eru taldar við, var 2,3 prosent í juni. Í mai var hann 2,1 prosent. Hækkað húsaleiga var høvuðsorsøkin.

Frá mai til juni hækkaði brúkaraprístalið 0,2 prosent.

Ferðavinnan dró prísirnar upp

Dýrari hotellgisting, pakkferðir og leiga av summarhúsum trýstu brúkaraprístalið upp við samanlagt 0,31 prosentstigum.

Hinvegin drógu lægri prísir á brennievni, klæðum og ravmagni brúkaraprístalið niður við 0,20 prosentstigum.