Normenn eru nú klárir til fjórðingsfinaluna í heimsmeistarakappingini eftir 2–1-sigur á Brasil.

Fyrra málið kom í 79. minutti, tá Haaland stútaði bóltin í netið, og tíggju minuttir seinni økti hann til 2–0 við einum skoti úr brotsteiginum.

Dysturin var javnur, og bæði liðini høvdu fleiri málmøguleikar. Brasil fekk minkað um munin í yvirtíðini, tá Neymar skoraði upp á brotsspark, men nærri komu brasilianar ikki.

Bæði Prinsessa Ingrid Alexandra  og Sissel Kirkjubø vóru eisini á stadium og sóu dystin.

Við sigrinum er Noreg víðari til fjórðingsfinaluna, har mótstøðuliðið verður vinnarin av dystinum millum England og Meksiko.