Talan er um størstu innkalling av pengaseðlum í Danmark síðani seinna heimsbardaga.

Eftir eitt 2,5 ára innkallingarskeið hevði Danmarks Nationalbank fingið inn 87 prosent av samlaða virðinum á teimum seðlunum, sum vórðu kallaðir inn.

Næstan allir 1.000-krónuseðlarnir komu aftur

Sambært Nationalbankanum vórðu yvir 20,1 milliardir krónur latnar inn í 1.000-krónuseðlum úr 2009-røðini. 

Tað svarar til 96 prosent av teimum 21,1 milliardunum króna, sum vóru í umferð.

Innleveringin av eldri seddlarøðum var munandi lægri. 

Har vórðu góðar 1 milliard krónur latnar inn, svarandi til 30 prosent av samlaða virðinum.

Meginparturin latin inn innan freistina

Nationalbankin upplýsir, at meginparturin av seðlunum varð nýttur ella latin inn, meðan teir framvegis kundu brúkast í handlum og peningastovnum. 

Seinasta árið vóru serligar innleveringarstøðir tøkar í Aarhus, Odense og Keypmannahavn.

Stutt undan freistini vaks trýstið nógv. Umleið 7.000 borgarar og fyritøkur vórðu skrásett til víðari viðgerð, tí innleveringarstøðirnar ikki megnaðu at avgreiða øll málini rættstundis.

Hesi verða liðugt viðgjørd komandi mánaðirnar.