Í gjárkvøldið stutt eftir klokkan 19.00 var ringt til løgregluna at siga frá um ein mann, sum gekk og rópti eftir vegnum í Klaksvík. Hann var illur, og tað sum løgreglan á fakmálið kallar, udadreagerende.

Maðurin bleiv handtikin og tikin við á støðina, har hann liggur og svevur rúsin út enn. Í skrivandi stund hevur hann verið á støðini í umleið 13 tímar.

Tá maðurin verður vaktur og biðin at fara heim um eina løtu, verður tað við einari bót í lummanum.