Í gjár var løgreglan rættiliga úti um seg at kanna fersðluna og í hesum sambandi vóru tey bæði Havnini, í Norðstreymoy og í Runavík, at vita, hvussu skilið var.

og tað var ikki til fánýtis, tí fleiri bilførarar vórðu tiknir, og at teimum misti ein koyrikortið og átta bilførarar fingu klipp í koyrikortið. Afturat hesum fingu teir allir bót.

Ein bilførari varð ein tikin fyri at koyra 92 kilometrar um tíman har tað bara er loyvt at koyra 60 og tað er nokk til at missa koyrikortið.

Tveir bilførarar koyrdu 74 í bygdum øki har tað er loyvt at koyra 50 og ein koyrdi 105 í óbygdum øki, har tað er loyvt at koyra 80. Teir fáa allir klipp í koyrikortið.

Harumframt fingu tríggir bilførarar 1.500 krónur í bót og eitt klipp í koyrikortið fyri at búka fartelefon ímeðan teir koyrdu.

Ein bilførari koyrdi ímóti ferðsluni á einum vegi, har tað var einvegis ferðsla hinvegin so eisini hann fær bæði bót og klipp í koyrikortið.

Ein bilførari fekk eisini klipp í koyrikortið fyri at hava eitt barn í bilinum, uttan at syrgja fyri, at tað sat í trygdarbelti.