Tað verður í Póllandi, at tað fer at ganga fyri seg, tá ið føroyska kvinnulandsliðið í hondbólti í adventini fer at luttaka í EM endaspælinum. Tað varð greitt, tá ið tað fyrr í kvøld varð drigið um, hvussu bólkarnir í EM endaspælinum skulu vera mannaðir.
Føroyska kvinnulandsliðið er í bólki E saman við vertstjóðini, Póllandi, Fraklandi frá fremsta styrkisbólkinum, og Ukraina frá aftasta styrkisbólkinum.
Tað ber við sær, at føroysku kvinnurnar fara at spæla innleiðandi bólkadystirnar í Katowice. Spodek-høllin í Katowice hevur pláss fyri 11.036 áskoðarum.
Føroyar hava áður víst, at møguleiki er at vinna fulla úrtøku móti Ukraina, meðan tað ivaleyst verður torført at vinna á bólkafavorittunum, Fraklandi. Um Føroyar høvdu hitt Pólland á uttanveltaðum vølli, so høvdu vónirnar verið væl betri enn frammanfyri einari stórari pólskari heimafjøld.
Men uttan mun til lutakastið so verður tað spennandi at fylgja føroysku kvinnunum í triðja endaspælinum á rað.
EM-endaspælið í Póllandi, Kekkia, Rumenia, Slovakia og Turkalandi verður leikt dagarnar millum 3. og 20. desember.
HER eru allir seks EM-bólkarnir:
