"Mín dreymur" er heitið á fyrsta lagnum, sum Anua hevur skrivað og innspælt.
– Sangurin handlar um at fylgja sínum dreymun, óansæð hvørjir teir eru, siga dreingir í Anua.
Bólkurin varð stovnaður fyri sløkum tveimum árum síðani, og dreingirnir eru einans 12 ára gamlir.
Anua er:
Nóa Mcleod Andreasen - Sang & gitttar
Aron Sigurðson - Gittar & kór
Áron Kollslíð Ragnarson - Bass & kór
Uni Sørensen - Trummur & kór
Anua er ein partur av ListaRok, ið er ein verkætlan hjá Klaksvíkar kommunu, ið Hans Edward Andreasen varðar av. Anua var við í Straight Ahead fagnaðarkonsertini, har teir tulkaðu lagið "Upp á gólv", og tað varð sera væl mótikið.
ListaRok er eitt tilboð til ung, ið hava hug at spæla tónleik saman í bólkum. Ein bólkur ið er eitt úrslit av hesi verkætlan, er bólkurin Adrenaline, ið hevur verið nógv at hoyra í KvF og vóru eisini í uppskoti til at verða "Ársins spírar" á FMA.
Her kanst tú hoyra nýggja sangin hjá Anua:
