Marianna Beritardóttir Egholm fer í verkætlanini at leggja dent á føroyska náttúru, føroyskt tilfeingi og føroyska mentan. 

Endamálið er at kanna, hvussu vit kunnu gagnnýta alla føroysku ullina og brúka teir eginleikar og møguleikar, sum hon hevur, til fulnar. Marianna hevur stóran áhuga fyri ull og viðgerð av ull og fyri siðbundnum handarbeiði – hvussu vit varðveita hetta og samstundis menna mentanarligir siðir.

Minnisgrunnur Sonnu av Skarði
Á hundrað ára føðingardegi Sonnu av Skarði tann 19. apríl 1976, stovnaði Tórshavnar kommuna »Minnisgrunn Sonnu av Skarði«.

Endamál grunsins er at menna og lívga føroyskt handarbeiði og føroyska handarbeiðsmentan og veita fólki, sum fáa sær handarbeiðsútbúgving í tóvirki - tekstil -, fíggjarligan stuðul.