Fyri triðju ferð hava føroyskir vinnuframandi stovnar bjóðað innovatørum úr øllum heiminum til Tórshavn, har Tonik er pallur fyri framløgum, panel kjaki og mentanarligum innsløgum um íverksetan og tøkni.

Longu klokkan 08:30 í morgun byrjaðu íverksetarafyritøkur úr fleiri norðurlondum at leggja fram fyri einum paneli av dómarum. Fjølbroyttu hugskotini snúgva seg millum annað um hunda ansing, sølufremjandi forrit, læknafrøðilig amboð við vitlíki, og effektivisering av byggivinnuni.

Útselda ráðstevnan hevur tríggjar pallar, so har altíð er nokk at velja millum. Pallarnir hava higartil hýst politikkarum og íverksetum, sum hava deilt vitan um sjóvinnu, slóðbrótandi tøkni, og týdningin av at fortelja eina góða søgu tá tú vilt skapa broyting.

Tonik 2025 heldur áfram allan dagin.