Tað er sera lítið til av toski, men hinvegin er tað framvegis nógv til av hýsu á føroyska landgrunninum.

Tað er niðurstøðan eftir seinastu yvirlitstrolingina hjá Havstovuni á føroyska landgrunninum.

Tær vóru í august og í tí sambandi høvdu tey 200 hál upp á ein tíma. Havstovan sigur, at tað var sera lítið at fáa av toski í ár afturímóti øðrum árum.

Í roynd og veru er hetta tað minsta, tey hava fingið av toski síðan yvirlitstrolingarnar byrjaðu í 1996. Toskurin var eisini rættiliga rak, sigur Havstovan.

Nøgdin av hýsu var minkandi, men framvegis stór, men eisini hon var rættiliga rak í ár.

Ein stórur partur av hýsuveiðuni var smáhýsa, sigur Hagstovan.