Norwegian og British Airways veddaðu undan fjórðingsfinaluni millum Ongland og Noreg.

Norwegian helt sjálvandi við Noreg, meðan British Airways væntaði, at Ongland fór at vinna.

Avtalan var, at tann, sum tapti, skuldi broyta sítt logo á sosialu miðlunum til logo hjá kappingarneytanum í 24 tímar.

Hetta hevur Norwegian nú gjørt eftir 1-2-tapið hjá Noregi móti Onglandi.

- Hóast kappingin er liðug fyri okkum, fer hetta veðmálið at liva víðari í okkara hjørtum.

Góða eydnu til Ongland og British Airways í hálvfinaluni, og vit vóna av heilum hjarta, at tit taka steypið heim, skrivar Norwegian á Instagram.