Á gjár varð ringt til løgregluna at melda, at útlendsk ferðafólk flugu við dronu beint við grønabólk á klaksvíkarleiðini.

Løgreglan sigur, at tey kannaðu málið, men hesa ferð høvdu ferðafólkini einki ólógligt gjørt.

Reglurnar fyri dronuflúgving eru bæði drúgvar og torskildar, men eitt, sum er avgerðandi, er støddin.

Og har er ein vekt upp á 250 gramm avgerandi. Løgreglan sigur, at viga dronurnr meiri, krevst serligt loyvi at flúgva við dronu og annað mangt.

Eru dronurnar lættari, eru treytirnar munandi lagaligari og tað er kanska orsøkin til, at nógvr dronur til vanligt húsbrúk nettupp viga 249 gramm.

Men kortini eru nakrar reglur galdandi, eitt nú skulu dronuflúgvarar altíð halda seg burtur frá flogvøllum, tyrlupallum, almennu vegum, o.s.fr.

Og Løgreglan sigur, at í hesum førum høvdu tey einki ólógligt gjørt og sostatt gera tey ikki meiri við tað.