Ongi úrslit

Fólkaflokkurin í Havn vil hava partamannin í landsstýrinum at taka eitt uppskot aftur

Fólkaflokkurin í Tórshavnar býráð mótmælir at Landsstýrið ætlar at gerða seg inn á sjálvræði og avtalurættin hjá Tórshavnar Havn

Birgir Nielsen, vinstrumegin og Høgni Vilhelmsen
Birgir Nielsen og Høgni Vilhelmsen býráðslimur
8. oktober kl. 14:45

Uppskot um Fíggjarlóg 2027 verður í hesum døgum borið niðan í Løgtingið, sum millum annað hevur sum endamál, at frítaka Strandferðsluni at rinda havnagjald og vørugjøld eitt nú til Tórshavmar Havn.

Hetta kann koma at kosta Tórshavnar Havn umleið 7 mió.kr. árliga.

Men málið er nógv meira álvarsamt og víðgongd enn bara eitt mál um sparingar hjá landskassanum og at velja at fara niður lumman hjá Tórshavnar Havn eftir pengum, sum man ikki megnar at finna innanhýsis í síni egnu fíggjarlóg.

Tórshavnar Havn hevur síðstu mongu árini gjørt munandi íløgur í havnir, sum hevur havt sum endamál at betra munandi um møguleikarnar hjá vinnuni í øllum Føroyum við bæði øktum útflutningi og øktum innflutningi. Harumframt hevur Tórshavnar Havn evið hesum útbyggingum eisini betra um umstøðurnar til skipini hjá Strandferðsluni, sum brúka koma og fara umleið 4-5.000 ferðir um árið í Tórshavnar Havn. So hetta er ikki smávegis tænastir, sum talan er um.

 Tí hevur tað altíð verið nattúrligt at Strandferðslan eisini rindar fyri tær tænastur, sum Tórshavnar Havn veitir teirra skipum.  Her fyriliggur eisini ein klár avtala millum Tórshavnar Havn og Strandferðsluna, sum ásetur hvørjar tænastur Tórshavnar Havn veitir, og hvat ið Strandferðslan rindar fyri tænasturnar.

 Vit vilja vísa á fleiri løgfrøðisligar kanningar, bæði fyrr og nú, sum klárt vísa á:

 - at hetta uppskotið stríðir móti Stýrisskipanarlógini og Grundlógini
- at uppskotið ger seg grunnleggjandi inn á kommunala sjálvræðið
- at uppskotið hóttir tilverugrundarlagið hjá Tórshavnar Havn

 Vit vilja tí staðiliga heita á Jacob Vesturgaard, Landsstýrismann, um at taka hetta uppskotið aftur.

Vegna Fólkaflokkin í  Tórshavnar Býráð:
Høgni Vilhelmsen, býráðslimur
Birgir Nielsen, býráðslimur

 

Mest lisið hesa vikuna

Her eru tey sløgini av heilsuskaðiligum mjøli sum er selt í Føroyum

20. november kl. 12:43

Ein viti er slóknaður: Minningarorð um Óla Eyðun Eliassen

16. november kl. 07:00

Tað er eitt felag Gunnar ikki ætlar sær at umboða

15. november kl. 23:55

Arbeiðshóhapp: Datt tríggjar metrar niður av einum byggipalli

17. november kl. 07:38

SÍ MYNDIR: Ógvusligur eldur herjaði hjá MEST á Skála

18. november kl. 21:28

Løgmaður er ónøgdur: Hann vil tryggja sær at hetta ikki hendur aftur

17. november kl. 09:28