Self-Navigating Cars hjá Visit Faroe Islands hevur aftur vunnið altjóða viðurkenning.

Á árligu heiðurslønarhandanini í kreativa vinnuni vann verkætlanin gull í flokkunum Best Use of Innovative Technology og Best Creative Idea umframt eina virðisløn fyri Best Value Adding Idea. 

Haraftrat fekk verkætlanin eisini eina virðisløn í bólkinum Earned Media á Creative Circle Awards fyrr í ár.

Hugskotið byggir á eina serliga skipan, har ferðafólk lata bilin og eina talgilda skipan stýra ferðini. Endamálið er at leiða gestir til minni vitjað øki og samstundis geva teimum nýggjar upplivingar.

Milliónir hava hoyrt um Føroyar

Sambært verkætlanini hava umleið 25.000 brúkarar roynt skipanina. Nýtslan hevur minkað um koyrdu kilometrarnar hjá ferðafólkum við 25 prosentum, og níggju av tíggju siga, at skipanin bøtti um ferðaupplivingina. 

Verkætlanin hevur harumframt skapt altjóða miðlaáhuga.