Ongi úrslit

Føroyar kunnu gerast CO₂-neutralar: Basaltið kann goyma meira enn føroyska útlátið

Føroyska basaltið kann goyma væl meira CO₂, enn Føroyar sjálvar lata út, og kann samstundis leggja lunnar undir ein nýggjan vinnuveg.

© Granskingarráðið.
– Vit kunnu saktans taka upp eftir okkum sjálvum og gerast eitt CO₂-neutralt land, sigur granskarin Rakul Maria Ingunardóttir Johannesen.
Edmund Jacobsen
18. sepember kl. 19:00

Kanningar hjá Rakul Mariu Ingunardóttir Johannesen vísa, at føroyska basaltið er sera væl egnað til at goyma CO₂. Sambært henni kunnu Føroyar tí gerast CO₂-neutralar.

– Vit kunnu saktans taka upp eftir okkum sjálvum og gerast eitt CO₂-neutralt land, sigur hon.

Á Sandvíkarhjalla er borað 520 metrar niður í undirgrundina. Royndir við vatni vísa, at gjøgnumstroymið í basaltinum er væl betri enn væntað. Harumframt eru basaltflágirnar á landi lætt atkomiligar. Tí kann vera bæði lættari og bíligari at bora til CO₂-goymslur í Føroyum enn nógva aðrastaðni.

Kann gerast nýggjur vinnuvegur

Næsta stigið verður at spræna smáar nøgdir av vatnblandaðum CO₂ niður í undirgrundina. Endamálið er at kanna, hvussu skjótt CO₂ bindur seg í grótið og verður mineraliserað.

Rakul Maria sær eisini vinnumøguleikar í tøknini, tí nógv av henni er hin sama sum tann, ið verður brúkt í oljuleiting og oljuframleiðslu. Tað kann sambært henni skapa nýggj arbeiðspláss í Føroyum.

Mest lisið hesa vikuna

Her eru tey sløgini av heilsuskaðiligum mjøli sum er selt í Føroyum

20. november kl. 12:43

Ein viti er slóknaður: Minningarorð um Óla Eyðun Eliassen

16. november kl. 07:00

Tað er eitt felag Gunnar ikki ætlar sær at umboða

15. november kl. 23:55

Arbeiðshóhapp: Datt tríggjar metrar niður av einum byggipalli

17. november kl. 07:38

SÍ MYNDIR: Ógvusligur eldur herjaði hjá MEST á Skála

18. november kl. 21:28

Løgmaður er ónøgdur: Hann vil tryggja sær at hetta ikki hendur aftur

17. november kl. 09:28