Føroyingar kunnu nú søkja um Chevening Scholarship til lestrarárið 2027–2028. Stuðulin fevnir um lestrargjald, livikostnað og ferðaútreiðslur.
Leita eftir framtíðar leiðarum
Chevening er altjóða lestrarstuðulsskipanin hjá bretsku stjórnini. Hon verður fíggjað av bretska uttanríkisráðnum og samstarvsfeløgum og er ætlað evnaríkum umsøkjarum við leiðsluførleikum, sum kunnu gera mun í heimlandi sínum.
Umsøkjarar skulu millum annað lúka ásettu treytirnar og søkja um upptøku á eina góðkenda eitt ára masterútbúgving í Bretlandi.
Føroyar eru beinleiðis fevndar
Chevening staðfestir, at ríkisborgarar í danska ríkinum kunnu søkja. Hetta fevnir um Danmark, Føroyar og Grønland.
Umsóknarfreistin er 6. oktober 2026 klokkan 11.00 UTC.
