Lærubøkur í støddfrøði hava seinnu árini verið á donskum, tí hóskandi føroyskt tilfar hevur vantað. Nú hevur Gunnar Restorff, undirvísari á Glasi, gjørt eina nýggja lærubók til støddfrøði C á miðnámi.

Gunnar Restorff helt, at tíðin var búgvin at fáa eina føroyska lærubók til lærugreinina. Tí fór hann av sínum eintingum undir arbeiðið.

Gunnar og fleiri starvsfelagar hava í eina tíð brúkt brot og partar á føroyskum í undirvísingini. Hetta tilfarið er nú savnað og ment til eina fullfíggjaða bók, sum kom út í summar.