Landingar vóru bæði í Fuglafirði, á Tvøroyri og á Ánunum.

Størstu einstøku lastina hevði Christian í Grótinum. Skipið kom til Ánirnar við 2.700 tonsum av svartkjafti, sum varð fiskaður vestan fyri Føroyar í føroyskum sjógvi. Veiðan skuldi virkast hjá Havsbrún.

Fagraberg landaði eisini 2.700 tons av svartkjafti til Havsbrún í Fuglafirði eftir fiskiskap í føroyskum sjógvi.

Høgt virksemi í svartkjaftafiskiskapinum

Svartkjaftafiskiskapurin var støðugur gjøgnum vikuna. Jupiter landaði 1.400 tons av svartkjafti í Fuglafirði eftir fiskiskap í føroyskum sjógvi.

Samtíðis vóru fleiri sildalandingar til føroysku virkini. Norðingur kom til Fuglafjarðar við 650 tonsum av sild til Pelagos eftir fiskiskap í føroyskum sjógvi. Fyrr í vikuni hevði sama skip eisini landað 800 tons og síðani 760 tons av heystgýtandi sild.

Borgarin landaði 970 tons av sild til Pelagos eftir fiskiskap eystan fyri Føroyar.

Fleiri sildalandingar á Tvøroyri

Varðin Pelagic á Tvøroyri tók ímóti fleiri sildalandingum í vikuni. Finnur Fríði landaði 700 tons eftir fiskiskap eystan fyri Fugloy.

Tróndur í Gøtu landaði 450 tons av sild. Samstundis landaði Gøtunes bæði 900 tons í Fuglafirði og 200 tons á Tvøroyri í vikuni.

Tummas T. landaði harumframt 560 tons av stórum silvurfiski á Tvøroyri eftir fiskiskap vestan fyri Føroyar.

Fleiri føroysk uppsjóvarvirki høvdu nógv arbeiði í vikuni. Pelagos, Havsbrún og Varðin Pelagic tóku øll ímóti veiðu, meðan skipini hildu fram við fiskiskapi í føroyskum sjógvi.

Mong skip fóru aftur til fiskiskap stutt eftir landing. Tað vísir framhaldandi høgt virksemi í føroyskum uppsjóvarfiskiskapi.