Føroyskt grót kann fáa ein nógv størri leiklut í framtíðar vegagerð og bygging í Føroyum.

Ein granskingarverkætlan kannar nú, hvussu føroyskt grót kann gagnnýtast sum byggitilfar. Karin Habermehl Cwirzen legði verkætlanina fram á einum almennum tiltaki á Hotel Hafnia 2. juni.

Kann styrkja føroyska sjálvbjargni

Endamálið er at kanna eginleikarnar í føroyskum gróti og møguleikarnar fyri at brúka tað í vegum og aðrari bygging.

Sambært Landsverki kann verkætlanin gera Føroyar meira sjálvbjargnar. Samstundis kann hon koma umhvørvinum til góðar.

Føroyskt tilfar undir sjóneykuni

Á tiltakinum varð eisini greitt frá royndarkanningum av tilfari til vegagerð. Dentur varð lagdur á, hvussu lokalt tilfar kann gagnnýtast betur.

Verkætlanin kann fáa týdning fyri bæði føroyska vegakervið og framtíðar bygging, um kanningarnar vísa, at grótið lýkur neyðugu krøvini.