Ongi úrslit

Føroyskt til tilflytarar: Hví skulu arbeiðsfólk ferðast langt eftir arbeiðstíð?

Jóhannis Joensen vil hava at vita, hví undirvísing í føroyskum sum annaðmál verður miðsavnað, hóast undirvísarar eru tøkir aðrastaðni í landinum.

© Unseen Studio / Unsplash.
Jóhannis Joensen spyr millum annað, hví FSA-undirvísing ikki verður skipað í fleiri økjum í Føroyum, eitt nú í Vágum, og hví undirvísingin verður miðsavnað á ávísum miðnámsskúlum.
Edmund Jacobsen
23. sepember kl. 20:00

Jóhannis Joensen, løgtingsmaður, hevur sett Bárði á Lakjuni, landsstýrismanni í mentamálum, fimm skrivligar spurningar um undirvísing í føroyskum sum annaðmál, FSA, og integratión.

Hann spyr millum annað, hví FSA-undirvísing ikki verður skipað í fleiri økjum í Føroyum, eitt nú í Vágum, og hví undirvísingin verður miðsavnað á ávísum miðnámsskúlum.

Stúrir fyri langari ferð eftir arbeiðstíð

Í viðmerkingunum vísir Jóhannis Joensen á, at nógv teirra, sum hava tørv á FSA-undirvísing, eru arbeiðsfólk kring landið, sum arbeiða fulla tíð.

Sambært fyrispurninginum kann undirvísing eftir arbeiðstíð saman við langari ferð til og frá skúla gera tað trupult hjá summum at luttaka.

Hann spyr tí eisini, hvussu tað riggar hjá útlendskum arbeiðsfólki at ferðast til undirvísing eftir ein langan arbeiðsdag, og um nakrar avtalur eru við arbeiðsgevarar um at loyva FSA-undirvísing í arbeiðstíð.

Vil vita, hvussu nógvir útbúnir undirvísarar eru

Løgtingsmaðurin spyr harumframt, hvussu nógvir útbúnir FSA-undirvísarar undirvísa í dag, og um kommunur og land samstarva um undirvísingina.

Í viðmerkingunum verður eisini víst á, at krøvini til floksstøddir kunnu hava við sær, at undirvísingin í størri mun verður savnað í teimum størri økjunum.

Jóhannis Joensen heldur spurningin vera týdningarmiklan fyri málsliga integratión og vil hava greiðu á, hvussu myndugleikarnir ætla at skipa FSA-undirvísingina frameftir.

Fyrispurningurin varð settur í Løgtinginum 23. september 2026.

Mest lisið hesa vikuna

Her eru tey sløgini av heilsuskaðiligum mjøli sum er selt í Føroyum

20. november kl. 12:43

Ein viti er slóknaður: Minningarorð um Óla Eyðun Eliassen

16. november kl. 07:00

Tað er eitt felag Gunnar ikki ætlar sær at umboða

15. november kl. 23:55

Arbeiðshóhapp: Datt tríggjar metrar niður av einum byggipalli

17. november kl. 07:38

SÍ MYNDIR: Ógvusligur eldur herjaði hjá MEST á Skála

18. november kl. 21:28

Løgmaður er ónøgdur: Hann vil tryggja sær at hetta ikki hendur aftur

17. november kl. 09:28