Næmingar í FSA-flokkunum á byrjanarstøði á Glasi fingu ein øðrvísi føroysktíma mikumorgunin 2. september. Í staðin fyri vanliga undirvísing fóru teir í Sandagerð at skapa eina stóra havtasku úr sandi.
Føroyskt við spaka í hond
Listamaðurin Eli Smith hjálpti næmingunum at skapa sandmyndina. Samstundis teknaði undirvísarin Napoleon Smith eina havtasku í sandin og greiddi næmingunum frá fiskinum. Síðani fóru øll til verka við spøkum og hondum.
Málið var ein týðandi partur av løtuni. Næmingarnir samskiftu á fleiri málum, men mest á føroyskum, meðan teir gróvu og evnaðu havtaskuna til.
Steinar gjørdust til tenn
Næmingarnir nýttu steinar og skeljar til tenn og eygu og tara og gras til aðrar smálutir. Tá sandmyndin var liðug, varð arbeiðið fagnað við einum drekkamunni.
