Froðbiar Sóknar Róðrarfelag er kosið Ársins Róðrarfelag 2026. Heiðurin varð latin á Róðrarveitsluni hjá Róðrarsambandi Føroya leygarkvøldið 1. august.

Tvey føroyameistaraheiti

Felagið hevði eitt sera sterkt kappróðrarár. Froðbingur við monnum gjørdist føroyameistari í 6-mannaførum við 43 stigum – tvey stig framman fyri Smyril. Tvørabáturin við kvinnum í masters vann eisini FM og endaði árið við at vinna Ólavsøkuróðurin.

Froðbingur við kvinnum tók silvur í FM, og genturnar 14–16 ár á Firvaldi gjørdust eisini nummar tvey. Dreingirnir 14–16 ár á Firvaldi tóku bronsu.

Breiddin gav úrslit

Í barnaróðrinum hjá dreingjum gjørdist Firvaldur nummar tvey í FM og vann síðan á Ólavsøku. Samanlagt fekk felagið tvey FM-heiti, trý silvurpláss og eitt bronsupláss í teimum seks nevndu bólkunum.