Í gjár var løgreglan í Vágum og kannaði ferðsluna og úrslitið var, at fýra bilførarar vóru skrivaðir upp og fingu bót.

Ein bilførari koyrdi við einum dekki, sum var uppslitið og tað fær hann 1.000 krónur í bót fyri.

Á einum bili vóru onkrar perur brostnar og ein hevði ikki koyrikortið uppi á sær. Og tann fjórði bilførarin, sum varð tikin, hevði ikki koyrikort yvirhøvur, og tað er dýrt, tí bótin fyri tað er heilar 5.000 krónur.