Ongi úrslit

Gjørdu herverk í Kollafirði Tað er eitt álopa felagsskapin

Jonhard Hammer
29. oktober kl. 13:43

Fyri nøkrum døgum síðan varð herverk gjørt á nýggja partin í viðarlundina í Kollafirði.

Kollajarðarnevndin sigur, at viðkomandi hevur klipt hegnið hjá Tórshavnar kommunu, sum verjir viðarlundina, og sum forðar fyri at seyður kemur í hana at eta av trøunum. Tað eru trøð, sum kollfirðingar í hópatali bæði sjálvboðið, og við stórum eldhuga, hava brúkt tíð og og orku upp á til at seta niður fyri at økja um trivnaðin og felagsskapin í byggingini, sigur nevndin á Facebook.

Tey siga, at Hegnið varð klipt upp í fýra ymiskum støðum.

– At gera seg soleiðis inn á ognirnar hjá kommuni, sum av tí sama eru ognirnar hjá okkum øllum borgarum í Kollafirði, er átalavert og taka vit í Staðbundnu nevndini í Kollafirði sterka frástøðu frá, siga tey.

Eitt er, at hetta er talan um herverk, tá man soleiðis ger seg inn á ognirnar hjá borgarunum í Kollafirði.

– Men samstundis er tað eitt álop á felagsskapin, samhaldsfesti og, ikki minst, tað sjálvboðið arbeiði, sum kollfirðingar, av sínum eintingum, hava gjørt fyri at fríðka um og betra um umstøðurnar í bygdina, sum vit øll eru góð við.

Staðbundna nevndin vónar, at slíkt herverk ongantíð aftur finnur stað í okkara heimbygd.

Mest lisið hesa vikuna

Suðuroyingur við stórum sigri: Rutt Hjelm eigur ársins vínstovu í Danmark

4. november kl. 18:03

Vinabondini hildu í 36 ár: Norskar kvinnur hittust aftur við føroyskar vinkonur

5. november kl. 19:45

Nú fara Bústaðir aftur at byggja íbúðir í Havn

6. november kl. 09:27

Tveir ungir bilførarar mistu koyrikortið á staðnum

7. november kl. 09:17

Lívið er einfalt og ræðuligt: Krígsharrin í Kreml skuldi verið pliktlesnaður

7. november kl. 07:15

Leigunevndin: Útleigari má rinda alt depositumið aftur

5. november kl. 12:30