Sunnudagin 8. november fer Jákup Reinert Hansen, lektari í kirkjusøgu, at halda fyrilestur um Gudmund Bruun í Hans Egedes kirkju í Keypmannahavn.

Gudmund Bruun stovnaði føroyska kirkjuliðið í danska høvuðsstaðnum í 1915. Hann týddi eisini fleiri sálmar og skrivaði lestrabókina Ljósið rann av kærleiks runni.

Á fyrilestrinum fer Jákup Reinert Hansen at greiða frá lívi og arbeiði hansara.

Adventssálmar og jólahugleiðingar

Nú adventin nærkast, verða eisini nakrir av adventssálmunum hjá Gudmundi Bruun sungnir.

Harumframt verður greitt frá, hvussu hann hugleiddi um jólini, bæði heima og uttanlands.

Fyrilesturin verður sunnudagin 8. november klokkan 14–16. Í hálvtíðarsteðginum bjóðar føroyska kirkjuliðið drekkamunn og okkurt gott afturvið.

Tiltakið er ókeypis, og øll eru vælkomin.