Í dag vitjar ferðafólkaskipið Hebredian Sky í Vági.

Vágur hevur góðar møguleikar at taka ímóti ferðafólkaskipum, og havnin er væl løgd í mun til býin.

Ferðafólkini koma beint inn í hjartað í Vági, har ið stutt er til aðrar upplivingar.

Havnin hevur tvær bryggjur og harvið góðar umstøður at taka ímóti ymsum skipum.

Frá bryggjuni eru einans umleið 400 metrar inn í bygdina, og gestirnir kunnu tí lættliga fara til gongu. Tey, sum vilja síggja meira av Vági og økinum rundanum, kunnu eisini taka bussin.

Vitjanin hjá Hebredian Sky er sostatt eitt gott høvi hjá ferðafólkunum at uppliva Vág og tað, sum bygdin og nærumhvørvið hava at bjóða.