Vísindasiðseminevndin er nú vald av nýggjum fyri komandi fýra árini. Nevndin hevur skipað seg við Marneri Fríðheim Kristiansen, lækna, ph.d. og høvuðsútbúgvingarlækna í arbeiðsmedicini, sum forfólki.
Poula Reinert Petersen, sjúkrarøktarfrøðingur, cand.scient.san og leiðari á Nánd, er vald til næstforfólk.
Skal tryggja álitið á gransking
Á fyrsta fundinum heilsaði nevndin upp á Eyðdis Hartmann Niclasen, landsstýriskvinnu í heilsu- og orkumálum.
Hon sigur, at Vísindasiðseminevndin hevur eina týdningarmikla uppgávu í at tryggja álitið á heilsugransking í Føroyum.
Nevndin er annars mannað við Eina Hansen Eliasen, Hilmari Augustinussen, Marjuni A. Lómaklett, Sólju í Ólavstovu og Torkili á Steig.
Fýra varalimir valdir
Varalimir eru Anna Borg Dahl, Jákup N. Olsen, Niclas Eysturoy og Tórunn Højgaard Ósá.
Samstundis takka landsstýriskvinnan og Heilsu- og orkumálaráðið Gunnhild Helmsdal, Kára Purkhús og Jóhannu Petersen fyri arbeiðið í nevndini. Tey halda ikki fram.
