Í gjár var eitt ferðsluóhapp í Klaksvík á krossvegnum við Nýggjaveg mitt í Klaksvík.

Har helt ein bilførari ikki víkiskylduna og rendi á ein annan bil. Nakað av skrokkskaða var, men eingin fólkaskaði.

Løgreglan sigur, at sýnið er eitt sindur vánaligt við krossin, men tað er ivasamt um tað hjálpir bilføraranum, sum rendi á.

Tá ið slík óhapp henda, har bilførari ikki heldur víkiskylduna, kostar tað minst eitt klipp í koyrikortið. Men tá ið tað endar við samanstoyti, hendir tað seg eisini, at bilførarin missur koyrikortið.