Klokkan 10 í morgin er fundur í fíggjarnevndini. Tíggju mál eru á skrá, og frá klokkan 10.30 og út á seinnapartin vera nógvar innkallingar.

Dennis Holm landsstýrismaður í fiskivinnumálum og samferðslumálum er innkallaður í sambandi við tvey mál. Í fyrra førinum er tað saman við Landsverki, og í seinna førinum er tað saman við Strandferðsluni.

Landsstýriskvinnan í fíggjarmálum Ruth Vang er innkallað í sambandi við tvey mál. Í fyrra førinum er tað saman við TAKS.

Onnur, sum eru innkallað at møta í fíggjarnevndini í morgin, eru Áhugafelagið Búgva, LÍF; Lívsverk og Betri Pensjón, Landsbankin, Skyn, Betri Heim og Meklarin.