Hvarv á Ljósfest: Nýtt lag á veg og kendir klassikarar á skránni

Tekna hald

Leita

Valmynd

Rita inn

Ongi úrslit

Hvarv á Ljósfest: Nýtt lag á veg og kendir klassikarar á skránni Hvarv á Ljósfest: Nýtt lag á veg og kendir klassikarar á skránni

Bólkurin Hvarv verður við á Ljósfest í Vági 16. august og fer at spæla bæði nýggj løg og sangir úr drúgvu søgu bólksins.

Bólkurin Hvarv verður á pallinum, tá Ljósfest verður hildin í Vági 16. august.

Edmund Jacobsen

3 tímar síðan

[ Tín lýsing her ]

Hvarv verður á pallinum, tá Ljósfest verður hildin í Vági 16. august.

Bólkurin arbeiðir í løtuni við nýggjum tilfari í upptøkuhøli, og ætlanin er at geva eitt nýtt lag út skjótt.

Í 2025 gav Hvarv løgini „Sálarfrændi mín“ og „Leitar tú elskandi“ út. Bæði løgini verða á skránni á Ljósfest.

Meira enn 25 ár á tónleikapallinum

Navnið Hvarv sást fyrstu ferð síðst í 1990-árunum, tá bólkurin var við á útgávuni Rock í Føroyum 2 við lagnum „Fortíð, Nútíð, Altíð“.

Í 2000 varð Hvarv valt út til fløguna Vælskapt Brek við sanginum „Vovið av Guði“. Meira enn 80 sangir komu inn til kappingina, og 19 vórðu valdir út.

Á Ljósfest verður Torbjørn Lisberg við sum ljómborðsleikari. Hini í manningini eru Hjalmar Magnussen, Dagfinn Olsen, Neil Joensen og Dánjal Jákup Wiberg Holm.