Klokkan 17 verður fyrsta bríksl á Tórsvølli, har Eyðun Klakstein og hansara menn í fyrsta dystinum í nýggju Nations League kappingini fara at spæla ímóti Kasakstan.

Tað er púra vist, at Géza Dávid Turi verður sentralur miðvallari, sum fer at eiga stóran leiklut. Í Grimsby hevur hann higartil í hesum kappingarárinum verið sera eyðsýndur, og tað fór sum eldur kring allan fótbóltsheimin, tá ið hann skoraði við framúr langskoti.

Tað var í fjør, at formellu loyvini komu upp á pláss soleiðis, at Géza kundi umboða Føroyar. Síðani tá hevur hann spælt níggju landsdystir og skorað eitt mál.

Verður tað í dag ímóti Kasakstan, at talan verður um heilt stóra gjøgnumbrotið á landsliðnum?

-Eg eri klárur, og vit gleða okkum til dystin. Eg fari at royna at lyfta tann leiklutin, sum venjarin gevur mær. Um eg fari at skora mál, fer tíðin at vísa, men tað er ikki avgerandi, hvør verður málskjútti. Um vit megna at halda tætt í verjuni og at skora í hvussu so er eitt mál, so fara vit at vinna, og tað ætla vit okkum. Skuldi tað lagað seg soleiðis, at møguleiki verður at royna við langskoti, so havi eg einki ímóti at royna, og so fáa vit at síggja, hvat tað verður til, sigur Géza Dávid Turi.