Seint mánakvøldið varð brotið inn á Fróðskaparsetrinum. Løgreglan sigur, at hetta var á Námsvísindadeildini, at innbrotið var. Tað er neyvan nakað stolið, men okkurt er brotið. 

Men har eru vakmyndatól, og myndirnar av gerningsmonnunum vóru so góðar, at tað bar til at eyðmerkja teir. 

Løgreglan sigur, at tað vísti seg, at talan var um fimm blaðungar dreingir, sum allir vóru undir 15 ár, og tað merkir, at teir eru undir revsingaraldur.

Og løgreglan sigur, at sostatt er tað málið avgreitt.

Annars hevur løgreglan koyrt runt í Streymoynni, Eysturoy og í Norðoyggjum í nátt og kanna ferðsluna, men støðan var góð og allir bilførararnir vóru edrúir.