Íslendskir myndugleikar heita á íbúgvar um at síggja fullu sólarmyrkingina tann 12. august 2026 heimanífrá, ella á einum staði nær við, meðan landið fyrireikar seg til eitt stórt innrás av vitjandi, sum vilja uppliva henda sjáldsama hending.

Áheitanin er ikki orsakað av, at sólarmyrkingin er vandamikil, men tí at væntað verður nógv ferðsla, trýst á vegakervið og almennar tænastur, umframt avbjóðingar hjá bjargingartænastum í avbyrgdum økjum.

Myndugleikarnir hava mælt fólki í vestara og syðra parti av Íslandi til, har tað ber til, at uppliva sólarmyrkingina heimanífrá ella í nærumhvørvinum.

Serliga í høvuðsstaðarøkinum verða íbúgvar eggjaðir til at sleppa undan óneyðugum ferðum til tey mest vælumtóktu útsýnisstøðini, fyri at minka um ferðslutrýstið.

Væntað verður, at túsundtals ferðafólk koma til Íslands fyri at uppliva hendingina, og myndugleikar arbeiða saman við løgreglu, kommunum og bjargingartænastum fyri at handfara øktu ferðsluna og virksemið.

Sólarmyrkingin verður ein av størstu stjørnufrøðiligu hendingunum í Íslandi í nógv ár, og partar av landinum verða á slóðini, har full sólarmyrking sæst.

Myndugleikarnir mæla teimum, sum fara at ferðast, til at fyrireika seg væl, koma í góðari tíð og fylgja trygdar- og ferðsluleiðbeiningunum.

Vit fara eisini at merkja eitt sindur til Sólarmyrkingina í Føroyum.

Sí Iceland Monitor