Sir Sean doyði stillisliga, meðan hann svav. Hann var í hesum døgum staddur í Bahamas, og sum skilst, hevði hann verið eitt sindur illa fyri seinastu tíðina.
Hansara yrkisleið sum sjónleikari var yvir fleiri áratíggju, har hann millum annað vann ein Oscar, tvær Bafta-heiðurslønir og tríggjar Golden Globes.
Av nøkrum av teimum kendu filmum , ið Sir Sean spældi við í, kann nevnast “The Hunt for Red October”, “Indiana Jones and the Last Crusade” og “The Rock”
Men Sean Connery er kendast fyri sínar leiklutir sum bretski njósnarin, ið fangar teir stóru brotsmenninar og fer avstað við tí vakrasta sprundinum, sum 007-loyniumboðið, James Bond.
Hann vann sín Oscar í 1988, tá hann fekk heiðursløn sum besti stuðlandi sjónleikarin fyri sín leiklut sum írski løgreglumaðurin í filminum “The Untouchables”.
Hann varð sligin til riddara av bretsku drotningini á Holyrood Palace í Skotlandi í 2000.
Hann bleiv 90 ár í august.
.png){kind=logo}
