Tríggjar norskar kvinnur úr Oslo vóru herfyri á vitjan á Glasi. Ein teirra, Annette Hvam, var skiftisnæmingur í Studentaskúlanum í Hoydølum í september 1990.

Tá búði hon hjá familjuni hjá Lailu Hentze, sum hon eisini gekk í flokki saman við.

Vinabondini byrjaðu í Oslo

Longu í mars 1990 høvdu Laila Hentze og Anna Maria Østerø verið skiftisnæmingar í Oslo gjøgnum Nordplus Junior. Laila búði tá hjá familjuni hjá Annette.

Nú, 36 ár seinni, hittust tær aftur í Føroyum.

Við á ferðini vóru eisini mamma Annette, Kristin Hvam, og gamla floksfelagin Liv Hannisdahl.

Minnist framvegis sigurin á Eysturríki

Annette minnist serliga, tá Føroyar vunnu 1-0 á Eysturríki í 1990, og hon hátíðarhelt sigurin saman við túsundtals føroyingum í Havn.

Hon fegnast eisini um at hava upplivað føroysku náttúruna og gestablídnið aftur.

Sambært Glasi vóru Laila og Anna Maria fyrstu føroysku næmingarnir, sum fóru uttanlands sum skiftisnæmingar gjøgnum Nordplus-skipanina.