Jann Benjaminsen til B36

– Eg taki støðu innan eina viku. Tað verður antin í Noregi, Íslandi ella í Føroyum, at eg spæli komandi kappingarár.

Tað segði Jann Benjaminsen við Dimmlætting tann 11. februar.

Nú er greitt at fyrrverandi NSÍ leikarin, Jann Benjaminsen, skal spæla við B36 í komandi kappingarári.

B36 hevur í kvøld lagt eitt filmsbrot á teirra Facebook vanga, har Jann undirskrivar sáttmálan, sum ger hann til B36 leikara í 2023.

- Eg síggi B36 sum eitt sera spennandi projekt. B36 hevur endað ov niðaliga seinastu árini og nú er tað uppá tíðina at B36 kemur upp í toppin aftur, sigur Jann Benjaminsen í filmsbrotinum.

Jann hevur høgar vónir til komandi kappingarárið hjá árstalsfelagnum úr Havn.

- Kappingarárið 2023 verður sera spennandi. Vit hava ein sera sterkan hóp og koma heilt sikkurt at berjast um FM heitið.

Jann Benjaminsen til B36 Jann Benjaminsen til B36

B36 boðar, við einum filmsbroti, í kvøld frá, at Jann Benjaminsen er nýggjur í hópinum

Mest lisið hesa vikuna

Løgtingskvinna: Hetta er ein óhugnaligur tanki

Hetta kundi enda heilt galið á Argjum

Løgreglan mátti fýra ferður eftir sama manni - hann fekk tvær bøtur

Hesa ferð hevði svikarin ikki eydnuna við sær í Føroyum

Nú skulu fólk ansa serliga væl eftir at tey ikki verða lumpað

Hvussu veit Jenis, at Gud hevur sett Netanyahu?

Leys størv