Ongi úrslit

Jenny er nú útbúgvin at vera kommunulækni

Jennu Østerø í Jákupsstovu er nú útbúgving serlækni í almennum medisini

Landssjúkrahúsið
2 tímar síðan

Jenny er liðug við útbúgving sum serlækni í almennum medisini.

Jenny hevur tikið 4 ½ ára serlæknaútbúgving á Landssjúkrahúsinum og hjá kommunulæknaskipanini, har hon hevur verið í tveimum ymiskum læknaviðtalum.

Jenny hevur verið ávikavist hjá kommunulækna Arnhold Jensen, Læknamiðstøðin við Sandin í Klaksvík og nú tað seinasta árið hevur hon verið í Læknaviðtaluni í Fuglafirði hjá Kristu Jørmundsson, kommunulækna.

Í Føroyum er útbúgving av serlæknum í almennum medisini skipað í samstarvi millum Landssjúkrahúsið, Kommunulæknaskipanina og Videreuddannelsesregion Øst í Danmark.

Útbúgvingartíðarskeiðið fevnir um ymiskar kliniskar starvstíðir á sjúkrahúsi og í kommunulæknaviðtalu, umframt eina røð av skeiðum v.m. í Danmark og í Føroyum. Í løtuni eru 15 læknar undir útbúgving til kommunulækna. Tríggir læknar verða eftir ætlan lidnir í 2027, í apríl og í september.

Landssjúkrahúsið fegnast um at verða við til at útbúgva nýggjar kommunulæknar og ynskir Jenny hjartaliga til lukku við útbúgvingini.

Mynd: Frá vinstru, Elin Holm, yvirlækni og forkvinna í Útbúgvingarnevndini á Landssjúkrahúsinum, Gunnvá Guttesen, varastjóri, Jenny Østerø í Jákupsstovu, serlækni í almennum medisini og Turid Holm Johannessen, kommunulækni og útbúgvingarsamskipari í almennum medisini.

 

Mest lisið hesa vikuna

Nøkur orð um skyldmannin Allan Enghamar

15. november kl. 04:55

Løgreglan lukkaði eitt skeinkistað í Havn í nátt og koyrdu øll á dyr

15. november kl. 09:12

Ein viti er slóknaður: Minningarorð um Óla Eyðun Eliassen

16. november kl. 07:00

Soleiðis fáa tey nógv betri kjøt úr hjallinum

15. november kl. 13:23

Ein nuanserað viðmerking til eina nuanseraða samrøðu

14. november kl. 14:27

Par kom til ilnar á alfaravegi

14. november kl. 09:08