Fyrrapartin í dag 16. oktober 2026 tóku Heilsuhjálparafelagið og Kommunala Arbeiðsgevarafelagið undir við semingsuppskoti, sum Semingsstovnurin legði fyri partarnar seinnapartin í gjár.
Semingsuppskotið er um løn – og um, at arbeiðstíðar um kvøldið og um náttina fara at telja meira.
Talan er um eina 3 ára semju, har lønarhækkanin er býtt soleiðis:
Tann 1. januar 2026 hækkar mánaðarlønin við 3,87%
Tann 1. oktober 2026 hækkar mánaðarlønin við 1.000 kr.
Tann 1. oktober 2027 hækkar mánaðarlønin við 3%
Frá 1. apríl í 2027 fara arbeiðstímar um kvøldið- og um náttina at telja meira
Í dag telja arbeiðstímar millum kl. 17.00 og kl. 06.00 um morgunin 1 tíma og 4,5 min.
Frá 1. apríl 2027 fara tímar um kvøldið og um náttina at telja ymiskt, sí niðanfyri:
Arbeiðstímar millum kl. 17:00 til 23:00 telja 1 tíma og 8 min. í normi.
Arbeiðstímar millum kl. 23:00 til 06:00 telja 1 tíma og 16 min. í normi.
