Bretska løgreglan í Surrey kannar nú tvey mál um søguligan kynsligan ágang móti børnum. Hettar hendir eftir almannakunngeringina av milliónum av skjølum, í málinum um tann deyða kynsbrotamannin Jeffrey Epstein.

Sambært Surrey Police snýr annað málið seg um skuldsetingar um ágang í Surrey og Berkshire, sum skulu hava gingið fyri seg millum miðskeiðis í 1990’unum og ár 2000. Hitt málið snýr seg um hendingar í West Surrey síðst í 1980’unum. Eingin er fyribils handtikin.

Løgreglan hevur ikki upplýst, hvørji ítøkilig skjøl hava elvt til kanningina. Fyrr í ár fekk løgreglan tó kunnleika um tilfar frá amerikanska løgmálaráðnum, við skuldsetingum um menniskjahandil og kynsligan ágang móti einum barni í Virginia Water í Surrey, millum 1994 og 1996.

Eftir almannakunngeringina bað Surrey Police almenningin um hjálp, og sambært bretskum miðlum eru fleiri fráboðanir síðani komnar fram.

Løgreglan arbeiðir nú við at savna fleiri prógv og kannar øll viðkomandi spor.

Fleiri bretskir politikredsar kanna samstundis tilfar úr Epstein-málinum fyri møgulig sambond til Bretlands, millum annað upplýsingar um menniskjahandil, flogferðir og persónar í netverkinum hjá Epstein.