Fyrrverandi Liverpool-venjarin Jürgen Klopp langar nú hart út eftir FIFA, eftir at altjóða fótbóltssamgongan gjørdi av at útseta leikbannið hjá amerikanska álopsleikaranum Folarin Balogun í eitt ár.
Balogun fekk reytt kort í 2-0 sigrinum hjá USA á Bosnia. Eftir vanligu reglunum skuldi hann sita uttanfyri áttandapartsfinaluna móti Belgia. Men sunnudagin broytti FIFA avgerðina, og tí kann 25 ára gamli áleyparin spæla kortini.
Klopp: Hetta er okkara spæl
Sambært AFP-keldum ringdi Donald Trump persónliga til FIFA-forsetan, Gianni Infantino, og bað hann kanna revsingina av nýggjum.
– Hetta er okkara spæl, ikki teirra, segði ein heldur argur Klopp.
Hann kallaði tað ørvitissligt, um Trump og Infantino veruliga hava avgreitt málið sínámillum.
Týskland krevur greið svar
Týska fótbóltssambandið krevur nú, at FIFA greiðir frá málinum. Forsetin, Bernd Neuendorf, sigur, at illgrunin um politiska uppíblanding má beinast burtur skjótt og greitt.
Trump hevur hinvegin róst FIFA fyri at hava gjørt tað rætta.
