Fríggjanáttina varð ein kvinna meldað fyri grovan harðskap eftir at hon hevði sligið ein mann við einum brotnum glasi, so at hann hevði fingið snuddir bæði í andlitið á armarnar og í bringuna.

Men kvinnan varð horvin, so løgreglan leitaði eftir henni og tey tosaðu eisini við hana í telefon, men ein áheitan á hana um at koma sjálvboðin á løgreglustøðina, hjálpti ikki. Les meiri um tað her: https://www.dimma.fo/grein/leita-eftir-kvinnu-sum-framdi-grovan-hardskap

Men í gjár handtók løgreglan hana á einum bústaði í Havn og skuldsetti hana fyri grovan harðskap.

Men nú er hon eisini skuldsett fyri vanligan harðskap í einum føri, tí tað vísir seg, at brotna glasið hon brúkti at sláa við, hevði hon beint frammanundan brotið í høvdið á einum øðrum manni, áðrenn hon brúkti tað ímóti manninum, sum fekk snuddirnar.

Løgreglan sigur, at kvinnan er avhoyrd og leyslatin aftur.