Føroysk børn hava minni orðfeingi enn áður, og tað kann fáa álvarsligar avleiðingar fyri læringina. Tað skrivar Eyðbjartur S. Skaalum, nevndarlimur í Føroya Lærarafelagi.

Sambært honum byrjar arbeiðið við føroyskum ikki í fyrsta flokki, men longu heima og á dagstovninum. Samrøður, søgulestur og sangur geva børnum betri fortreytir at skilja undirvísingina, lesa uppgávur og seta orð á tankar og kenslur.

Fleiri móttøkuflokkar eftirlýstir

Hann vísir á, at bøkur menna lesiførleika, hugflog og evnini at skilja samanhang. Stutt filmsbrot kunnu ikki hava sama leiklut.

Eyðbjartur S. Skaalum eftirlýsir eisini fleiri móttøkuflokkar til fremmandmælt børn, sum flyta til Føroya. Lærarar eru útbúnir til endamálið, men játtan vantar.

Hann nevnir eisini møguleikan at seta krav um, at tilflytarar skulu fáa grundskeið í føroyskum.